01144066434
اتصل الان
01144066434

المدونة

التجارة عبر الانترنت

ما هو افضل مشروع ومن اين ابدء

برأس مال قليل يمكنك البدء فى انشاء مشروع تجارى❤

ياترى ايه هو المشروع دا ؟

التجارة الألكترونية

فى عام 2020 اكيد سمعت عن الكلمة دى قبل كدة ” التجارة الألكترونية او التجارة عبر الانترنت ” 

اكيد سمعت عن الموضوع دا وعرفت عنو كمان بس مش فاهم ازاى تدخل فيه , وكتير بيقولولك وهم ونصب وكلام غريب

احنا هنا هنوضحلك كل التفاصيل بشكل مبسط من البداية خالص خطوة بخطوة

تابع معانا ..

كيف ابدء التجارة عبر الانترنت

الموضوع زى كأنك فاتح محل بس المحل دا بيكون اونلاين

خلينا متفقين ان الانترنت دا كنز كبير وسهل علينا حاجات كتير جدااا وعشان ناخد الموضوع بشكل صحيح لازم نفهم التجارة الالكترونية زيها زى اى مشروع محتاج لشغل ومجهود وتمويل عشان تكسب منو وسيبك بقا من اللى يخدعك ويقولك

  • كيف ربحت 1000 دولار من الانترنت
  • الطريقة السحرية للربح من الانترنت
  • شاهد كيف ربحت الاف الدولارات بضغطة زر
  • موقع لربح 1000 دولار شهريا

وحاجات تانية كتير اكيد سمعت عنها ومالهاش اى اساس من الصحة وكل الغرض منها انهم يزودوا المشاهدات ويكسبو هما من الاعلانات وانت طبعا ياعينى مش عارف تعمل حاجة وفهمت ان موضوع الربح من النت دا مجرد نصب و اشتغالة


خلينا نرتب الموضوع خطوة خطوة

اولا : لازم يكون عندك منتج او خدمة بتقدمها زى مثلا : كورسات – ادوات تجميل – موبايلات – وهكذا..

ثانيا : ازاى تعرض المنتجات دى بشكل احترافى يخلى العميل يشترى منك

ثالثا : ازاى هاتسوق المنتجات او الخدمات دى للناس اللى عندها اهتمام وازاى تستهدف الناس دى صح

رابعا : ازاى هاتطور وتحسن من شغلك وتزود مبيعاتك وبألتالى هاتزيد ارباحك

وطبعا ازاى تتجنب الخسارة والفشل ….

 

لما نتكلم عن المنتج يبقى لازم المنتج دا يكون ليه معايير معينة زى مثلا سعره ومدى احتياج الناس ليه والطلب عليه فى السوق قد ايه .. يعنى مثلا لو اتكلمنا عن الموبايل ك منتج عايزين نبيعه اونلاين نعمل ايه ؟

اولا لازم نشوف تاجر ناخد عن عنده المنتج دا ويكون متوفر عنده بسعر اقدر انافس بيه

ثانيا هل المنتج دا عليه طلب فى السوق ولا انا بعرض موبايل موديل قديم ونزل الاحدث منه فبألتالى مبقاش عليه طلب فى السوق زى الاول

ثالثا بقا ودا الأهم السعر اللى هبيع بيه .. هل دا سعر مناسب وهل انا عندى المعايير اللى تخلى العميل يشترى المنتج منى انا بألتحديد ويسيب باقى البائعين المنافسين ليا , كل دا انت اللى بتحددو

نيجى هنا للمصادر اللى ممكن نجيب منها منتجات ونقارن منها الاسعار

عندك المواقع دى اكيد تعرفها او سمعت عنها
– سوق.كوم
– جوميا
– نون
– امازون

نيجى بقا لتانى حاجة وهى ازاى تعرض المنتجات دى بشكل احترافى يخلى العميل يشترى منك ؟

الموضوع هنا مبنى على شوية معايير لازم نراعيها هانرتبهم حسب الاهم

1- العنوان (او اسم المنتج) لازم يكون اسم بسيط وسهل
2- الوصف .. وطبعا دا عامل مهم جداا ولازم يكون احترافى وبيوصف المنتج بشكل جيد ويكون فيه عنصر الحث على الشراء وحاول دايما وانت بتكلم العميل يكون اسلوبك سهل وواضح وفيه مصداقية ودا بيخليك تبنى ثقة مع عميلك
3- صور المنتج .. ولازم تكون صور واضحة وباين فيها تفاصيل المنتج ومن اكتر من زاوية
4- حاول تضيف ريفيوهات او اراء لناس اشترت المنتج دا قبل كدة ودا بيحمس العميل انو يشترى المنتج من غير اى تردد او خوف من عدم جودة المنتج

ثالثا بقا ودى النقطة اللى كتير بيقع بسببها وبيفشل بسبب انو لا يتبع الاسلوب الصحيح

التسويق للمنتجات عبر الانترنت او التسويق اونلاين

فى عندنا طرق كتير جدا للتسويق على الأنترنت منها طرق سهلة وطرق معقدة وعايزة خبرة ودى بتيجى مع الممارسة

خلينا نتكلم عن التسويق بمنتهى البساطة وانت لو حابب تعرف اكتر وتحترف التسويق عندك الانترنت مليان بألكورسات عن التسويق واليوتيوب مليان قنوات كتير بتشرح تسويق الكترونى من الالف للياء

هحاول اوضحلك الموضوع بمنتهى البساطة , ازاى تبتدى تسويق
بعد ما هاتعرض منتجك بألشكل اللى اتفقنا عليه المفروض هاتعمل ايه دلوقتى ؟

اولا لو عندك موقع تعرض عليه منتجاتك يبقى ممتاز جدا ودا هايساعدك انك تعرض المنتج بشكل احترافى اكتر وتزود مبيعاتك
وممكن تشوف الباكدجات والعروض دى لتصميم وبرمجة المواقع والمتاجر الألكترونية

طيب ولو مشعندك موقع ولسة بتبدى يبقى لازم تعمل صفحة على فيس بوك وكمان مجموعة وياسلام بقا لو عملت حساب على انستجرام , الموضوع بسيط والخطوات معروفة وسهلة
بعد ماعملت الصفحة ابتدى اعرض منتجاتك بشكل احترافى زى ما اتفقنا وبعدين روجلها , وهنا عندك طريقين للترويج واحد مجانى والتانى مدفوع , طبعا المجانى دا مش هايجبلك النتائج اللى انت متوقعها وغير احترافى

هنا هاتكون مخصص ميزانية للتسويق والترويج لمتجاتك وهاتبدأ تعمل حملات اعلانية ممولة تختار فيها جمهورك المستهدف

يعنى مثلا لو بتبيع مستحضرات تجميل و مكياجات فأنت لازم تختار من الجمهور فئة النساء ( وليس الكل )

ولازم هنا تختبر النتائج وتحسن الحملة الاعلانية لغاية ما توصل لافضل نتيجة

حاجة تانية مهمة جداا وهى العروض والخصومات اللى انت بتقدمها لعملائك والناس اللى بتابعك دى هاتزود نسبة المبيعات بشكل ملحوظ

نيجى بقا للحاجة الرابعة والأخيرة وهى ازاى هاتطور وتحسن من شغلك وتزود مبيعاتك وبألتالى هاتزيد ارباحك

هنا هايكون الاعتماد الاكثر على اسلوبك واجتهادك فى الشغل مع مراعاة الحاجات دى

اولا : لازم تتابع العميل بتاعك جيدا وترد عليه بسرعة وتديلة كل المعلومات اللى محتاجها
ثانيا : لازم يكون عندك مصداقية وثقة ودى هاتتعب فيها شوية لغاية ما تبنيها وخليك دايما فاكر ان “الزبون دايما على حق”
ثالثا : حاول تتعامل مع شركة شحن كويسة ولها مصداقية وبلاش تأخر اوردراتك
رابعا : اعرف كل ما هو جديد ومطلوب فى الاسواق وقدموا لعميلك بسعر منافس وجودة ممتازة
خامسا : زود منتجاتك وحملاتك الاعلانية وأبتدى بتوسيع وتطوير تجارتك عبر الانترنت

تعمل ايه بقا عشان تتجنب الفشل والأخطاء فى التجارة الالكترونية

هنصحك تشوف الفيديو دا

 

عشق البرمجة

مبرمج فى شركة روسية راح شركة تانية فا أكتشفوا بعد ما مشى إن أى حاجة روتينية كانت ممكن تاخد من وقته دقيقتين كان بيكتب ليها اسكريبت علشان تتعمل تلقائياً!

Read more

تحديثات الوردبريس الاصدار الاخير

الأصدار الخامس من الوردبريس – اخر التحديثات WordPress 5.0

تم جدولة إصدار ووردبريس الخامس لهذا اليوم، وخلال الأشهر الماضية كان الكثير يتابع المستجدات في عالم ووردبريس، بانتظار الإصدار الخامس؛ فهناك تغييرات جذرية لبعض أجزاء لوحة التحكم. في مهارتي نجتهد دائماً لتوفير توافق كامل مع الإصدارات الأحدث من ووردبريس، ويتم اختبار القالب والإضافات قبل كل إصدار جديد، ونقوم بعمل الازم من تحديثات تقنية أو تعديلات برمجية، وبالطبع فريق الدعم الفني متوفر للرد على كل استفساراتكم الكريمة في أي وقت.

في هذه المقالة سأتحدث عن ووردبريس الجديد و كيفية ضبط إعدادات لوحة تحكم موقعك لتحصل على مرونة أكبر وتجربة أفضل. Read more

اسرار البحث المتقدم في جوجل

كيف تصل لما تريد بالتحديد

لو كانت هناك مهارة واحدة عليك تعلمها لكونها الاهم في عصرنا هذا ، فحتما هذه المهارة هي اتقان استخدام محرك البحث جوجل
هذا ينطبق عليك اي كان سنك او مجال دراستك او تخصص عملك. كيف لا وجوجل تقريبا يعرف كل شيء!
اما من يعملون في مجال التسويق الالكتروني ، فأهمية اتقان اسرار البحث علي جوجل تحتل مكانة خاصة لهم.
Read more

اذكى طرق الاعلأنات عبر الانترنت

أذكـــى 7 إعـــلانات يجب ان تقوم بها لتطوير عملك عبر الانترنت

الإعلانات في كل مكان , و هذا إن دل على شيء فهو يدل على انها استراتيجيه ناجحه لجعل أي بزنيس صحيح مصدر دخل مهم في حياتك .. أليس هذا هدف كبير من أهداف بناء البزنيس ؟

لهذا فان استخدام الاعلانات لتطوير عملك بإعتقادي ليس أمر مخــــيّر بالنسبة لك , من الــواجب عليك أن تقوم به , بل من الواجب عليك أن يكون أول مخططــــاتك لتطوير عملك .
Read more

العمل الحر على الانترنت – شرح كامل

العمل الحر على الانترنت لماذا وكيف تبدأ من الصفر

نتعرف اليوم على العمل الحر على الانترنت وكيف تبدأ من الصفر بداية من العمل على مواقع الخدمات المصغرة ومواقع الفريلانسر freelancer حتى تصل لتنشأ موقعك او مشروعك الخاص بك لتقدم خدماتك الاحترافية الى اكبر عدد من الافراد والشركات لتحقق دخل جيد جدا شهريا من عملك الحر على الانترنت 

Call Now Button

LAYOUT

SAMPLE COLOR

Please read our documentation file to know how to change colors as you want

BACKGROUND COLOR

BACKGROUND TEXTURE